གསོལ་འདེབས་རྒྱལ་ཀུན་སྐྱེས་ཡུམ་བཞུགས་སོ།
༈ གསོལ་འདེབས་རྒྱལ་ཀུན་སྐྱེས་ཡུམ་བཞུགས་སོ།།
རྒྱལ་ཀུན་སྐྱེས་ཡུམ་ཆོས་དབྱིངས་ཀུན་བཟང་མོ༔ བོད་འབངས་སྐྱོབས་པའི་མ་གཅིག་དྲིན་མོ་ཆེ༔
དངོས་གྲུབ་མཆོག་སྩོལ་བདེ་ཆེན་མཁའ་འགྲོའི་གཙོ༔ ཡེ་ཤེས་མཚོ་རྒྱལ་ཞབས་ལ་གསོལ་བ་འདེབསཿ
ཕྱི་ནང་གསང་བའི་བར་ཆད་ཞི་བ་དང་༔ བླ་མའི་སྐུ་ཚེ་བརྟན་པར་བྱིན་གྱིས་རློབས༔
ནད་མུག་མཚོན་བསྐལ་ཞི་བར་བྱིན་གྱིས་རློབས༔ བྱད་ཕུར་རྗོད་གཏོང་ཞི་བར་བྱིན་གྱིས་རློབས༔
ཚེ་དཔལ་ཤེས་རབ་རྒྱས་པར་བྱིན་གྱིས་རློབས༔ བསམ་པ་ལྷུན་གྱིས་འགྲུབ་པར་བྱིན་
གྱིས་རློབས༔
༈ དུས་གསུམ་སངས་རྒྱས་ནི།
དུས་གསུམ་སངས་རྒྱས་གུ་རུ་རིན་པོ་ཆེ༔ དངོས་གྲུབ་ཀུན་བདག་བདེ་བ་ཆེན་པོའི་ཞབས༔
བར་ཆད་ཀུན་སེལ་བདུད་འདུལ་དྲག་པོ་རྩལ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔
ཕྱི་ནང་གསང་བའི་ བར་ཆད་ཞི་བ་དང་༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔
Comments
Post a Comment