སྣང་བ་མཐའ་ཡས་ཀྱི་སྨོན་ལམ།། Nangwathaya Monlam ~ Amitabah Buddha Prayers
༈
སྣང་བ་མཐའ་ཡས་ཀྱི་སྨོན་ལམ་བཞུགས་སོ།།
ཧྲཱི༔
སྣང་བ་མཐའ་ཡས་ཀྱི་ཞིང་ཁམས་ན། །འཕགས་པ་མིན་པ་མི་བཞུགས་ཏེ།
།རྒྱུད་དྲུག་འཁོར་བའི་མིང་ཡང་མེད། །སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག།
།སྣང་བ་མཐའ་ཡས་ཀྱི་ཞིང་ཁམས་ན། །འཕགས་པའི་ཤེས་རབ་འོད་ འཕྲོས་པས།
།ཉིན་མོ་མཚན་མོ་མིང་ཡང་མེད། །སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག
།སྣང་བ་མཐའ་ཡ་ཀྱི་ ཞིང་ཁམས་ན། །རིན་ཆེན་སྣ་ཚོགས་རབ་བརྒྱན་པའི།
།ས་དང་རྡོཡི་མིང་ཡང་མེད། །སྣང་བ་མཐའ་ཡས་ཀྱི་ཞིང་དེར་སྐྱེ་ བར་ཤོག
།སྣང་བ་མཐའ་ཡས་ཀྱི་ཞིང་ཁམས་ན། །རྣམ་སྣང་སྤོས་ཀྱི་ངད་ལྡན་པའི།
།འཇིག་རྟེན་རླུང་གི་མིང་ཡས་མེད། །སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག
།སྣང་བ་མཐའ་ཡས་ཀྱི་ཞིང་ཁམས་ན། །བྱང་ཆུབ་ཤིང་གིས་རབ་བརྒྱན་ པས།
།རྩི་ཤིང་ནགས་ཚལ་གྱིས་མི་ཡང་མེད། །སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག
།སྣང་བ་མཐའ་ཡས་ཀྱི་ ཞིང་ཁམས་ན། །ཏིང་ངེ་འཛིན་གྱི་ཟས་ཟ་བའི།
།འཇིག་རྟེན་ཟས་ཀྱི་མིང་ཡང་མེད། །སྣང་བ་མཐའ་ཡ་ཀྱི་ཞིང་ཁམས་ ན།
།ཐམས་ཅད་མཉམ་ཉིད་གནས་པ་ལ། །ངན་འགྲོ་གཡང་སའི་མིང་ཡང་མེད།
།སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག །སྣང་བ་མཐའ་ཡས་ཀྱི་ཞིང་ཁམས་ན།
།ཆོས་ཀྱི་རྒྱལ་པོ་ཉིད་བཞུགས་པས། །རྒྱལ་པོ་བློན་པོའི་མིང་ཡང་ མེད།
།སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག །སྣང་བ་མཐའ་ཡས་ཀྱི་ཞིང་ཁམས་ན།
།བདུད་རྩི་བརྒྱད་ལྡན་ཆུ་ འབེབས་པས། །འཇིག་རྟེན་ཆུ་ཡི་མིང་ཡང་མེད།
།སྣང་བ་མཐའ་ཡ་ཀྱི་ཞིང་དེར་སྐྱེ་བར་ཤོག །སྣང་བ་མཐའ་ཡས་ཀྱི་ ཞིང་ཁམས་ན།
།ཡེ་ཤེས་གསལ་བའི་མེ་འབར་བའི། །འཇིག་རྟེན་མེ་ཡི་མིང་ཡང་མེད། །སྣང་བ་མཐའ་ཡས་ཀྱི་ཞིང་
དེར་སྐྱེ་བར་ཤོག །སྣང་བ་མཐའ་ཡས་ཀྱི་ཞིང་ཁམས་ན། །སྐྱེ་བ་ཐམས་ཅད་རྫུས་ཏེ་སྐྱེ།
།སྐྱེ་བ་གནས་པའི་མིང་ཡང་ མེད། །སྣང་བ་མཐའ་ཡས་ཀྱི་ཞིང་དེར་སྐྱེ་བར་ཤོག །ཅེས་སྤྲུལ་སྐུ་མི་འགྱུར་རྡོ་རྗེ་ལ་སངས་རྒྱས་སྣང་བ་མཐའ་ཡས་ཀྱི་དངོས་སུ་བསྩལ་བ་བྱིན་
རླབས་ཅན་ནོ། །
Comments
Post a Comment